18.06.2016 | OTW2016 #2 · 大嶼私房賽

 

山友最喜歡說的一句話—比賽當操練。

操山，要選一些有補給的路線，否則缺水可大可少。但你操山其他人都會操練，水機有時會無水買，士多亦有可能無開，玩比賽最好，有補給又不用將所有水帶上路，輕輕鬆鬆上山去～

 

今次比賽由朋友主持，大嶼山私房賽，充滿挑戰性同難度性既比賽！由東涌經東澳古道至大澳，然後經龍仔悟園上靈會山羌山，再上昂坪，然後以鳳凰山大東山至黃龍坑郊遊徑作結。

多謝RD Aster同一班儀工既幫手！在猛烈既太陽同狂風大雨下令比賽更變完美！雖然食唔晒段路，但都已經好開心。

 

 16.06.2016

東涌>東澳古道>大澳>龍仔悟園>靈會山>羌山>深屈道>昂坪>佛門古道>黃龍坑郊遊徑(33km)

#比賽當操練 #操練當拍拖 #pakhatall #明明好好太陽做乜事落大雨 #一秒變落湯雞 #長課要再多d先得 #DerestRunner #OTW2016

04.06.2016 | OTW2016 #1

 

早幾年幫男友做毅行support team送飯，見到佢地玩得好開心已經覺得呢個比賽好奇妙，4個人一條心咁行，但當時連步都唔會跑既我，淨係覺得好佢地好勁好有毅力；到我開始玩山賽，每年見到山友玩毅行者都得個恨字，今年，終於到我喇！

 

今日久休長課第一擊，一黎就行30公里...

天氣好熱、太陽好曬、個身好興，要周圍搵水淋身降溫，淋完就繼續走；不過一落雨，個人既意志力跌到0，勁想轉行衛徑落大埔....好彩有人鼓勵繼續上山先能夠完成今日咁有質素既長課～謝謝！

 

04.06.2016

黃大仙地鐵站>獅子亭>麥徑第六段>針山>草山>大帽山>蓮姐茶水亭（30.45km）

#M101toM156 #麥徑跑啊跑 #曬著跑 #落著雨跑 #一秒變落湯雞 #尋回失落了的眼神 #操練當拍拖 #pakhatall

時代巨輪

很久沒更新，因為早前與老師及畫友舉辦了畫展。

因為畫展，開了Facebook page:

https://www.facebook.com/stepupnup/

多多指教！

雷利比賽：滿手蟲毛

在比賽中途落緊沙田坳時，有架工程車上黎，明明已經企定定，點知佢就黎過我時佢扭左少少軚好似就黎撞落我度咁。我驚得濟咪扶欄杆，點知一摸落去係淋既就知今次仆街了...

我 一 手 壓 左 落 一 堆 毛 蟲 上🐛🐛🐛

我大叫到前面50米既人都望返轉頭，即刻爆seed落去洗手，一邊跑一邊叫。然後勁耐都無山水，明明平時成日見到山水水管😒

洗手時發現痛，成手刺...

終身難忘。

Another 5km

最近忙到甩碌，但星期六都依然有做操山長課，為12月的比賽作準備。
自知自己心肺不夠強，又沒時間上跑班，所以一有空便來5公里訓練，不過因為忙，偷懶了。上星期幾經爭扎，冒著冷風都係落左去跑個5公里。
終於，踏入27分鐘。
早前幾次都過不了28分鐘的關口，今次終於成功了，要keep著！要多謝我男友，因為係佢不斷鼓勵我去跑，因為我每次跑都係睇著佢個時間去追著跑。

雷利訓練：九龍坑山

我錯了，我看輕了這座九龍坑山！

在兩、三年前剛剛迷上行山體能還是很差的時候，九龍坑山是我跟山友的晨運路線，由鳳園起步至鶴藪水塘，行多了便不覺辛苦。

雷利會經九龍坑山，不過起點與我從前走的不同，是在大埔頭起步。從未在這邊

走過，所以決定先練習一下，以為易食過生菜，誰知道由衛奕迅徑上九龍坑山是要經過連綿不斷的樓梯才能到達九龍坑山的發射站。

不斷的上山，再加上生理期的不適，縱使有高昂的意志，但身體卻吃不消，落落下山兩隻腳同一時間同一位置老抽，結果意志力直插谷底，沮喪了一整天。


> 日期：22.08.2015，酷熱無風
> 路線：大埔頭>九龍坑山>鶴藪水塘（約7.56公里）

Another 5km

23Sept2015 倉鼠跑12.5圈 5公里

今日的我追到尋日的我，比尋日跑快了1分鐘，繼續努力，繼續刻苦訓練，享受比賽。

要多謝你不繼的激勵，我先會有繼續努力跑既決心。


Pacing: 5km on 28:36 (5:10/km)